آئی سی سی چیمپئنز ٹرافی کے چھٹے میچ میں بنگلادیش نے نیوزی لینڈ کو جیت کےلیے 237 رنز کا ہدف دے دیا۔
پنڈی کرکٹ اسٹیڈیم راولپنڈی میں کھیلے جا رہے میچ میں نیوزی لینڈ نے بنگلادیش کے خلاف ٹاس جیت کر پہلے بولنگ کرنے کا فیصلہ کیا۔
بنگال ٹائیگرز نے پہلے بیٹنگ کرتے ہوئے مقررہ 50 اوررز میں 9 وکٹوں کے نقصان پر 236 رنز بنائے۔
بنگلادیش کے کپتان نجم الحسن شانتو 77 رنز بنا کر ٹاپ اسکورر رہے، جبکہ لوئر آرڈر بیٹر ذاکر علی نے 45، رشد حسین نے 26 اور اوپنر تنزید حسن نے 24 رنز بنائے۔
نیوزی لینڈ کی جانب سے مائیکل بریسویل نے 10 اوورز میں 26 رنز دے کر 4 کھلاڑیوں کو آؤٹ کیا۔ ول او رورکی نے 2 جبکہ میٹ ہینری اور کائیل جیمیسن نے ایک ایک وکٹ لی۔
ٹاس کے موقع پر گفتگو کرتے ہوئے نیوزی لینڈ کے کپتان نے کہا ہے کہ ٹیم میں کائل جیمیسن اور راچن رویندرا کو شامل کیا ہے۔
بنگلا دیش کے کپتان نجم الحسن شانتو نے کہا کہ ٹاس جیتتے تو فیلڈنگ کرتے، ٹیم میں 2 تبدیلیاں کی ہیں۔
چیمپئنز ٹرافی میں نیوزی لینڈ اور بنگلا دیش کا یہ دوسرا میچ ہے۔
نیوز لینڈ نے اپنے پہلے میچ میں پاکستان کو شکست دے تھی جبکہ بنگلا دیش کو بھارت نے ہرایا تھا۔