پاک افغان کشیدگی کے بعد ایک بار پھر طورخم بارڈر بند

کم عمر بچوں کے مال برداری کے مسئلے پر اختلافات نے نیا رخ اختیار کر لیا، اس کے ساتھ ہی پاک افغان کشیدگی کے بعد ایک بار پھر طورخم بارڈر بند کر دیا گیا۔ اس حوالے سے بتایا گیا ہے کہ یہ بندش عارضی ہے۔
ذرائع کا کہنا ہے کہ دونوں ممالک کی فورسز کے درمیان جھگڑا اُس وقت شروع ہوا جب گنڈہ مار کہلانے والے کم عمر بچوں کے ذریعے مال برداری کے مسئلے پر اختلاف پیدا ہوا۔
پاکستان کی جانب سے ایسے کم عمر بچوں کے غیر قانونی طور پر سامان لانے اور لے جانے پر پابندی عائد کی گئی ہے، کیونکہ ماضی میں کئی واقعات میں یہ بچے گاڑیوں کے نیچے آ کر جاں بحق ہو چکے ہیں۔
حکام کی جانب سے ابھی تک بارڈر کی بندش کے حوالے سے کوئی باضابطہ اعلامیہ جاری نہیں کیا گیا، یاد رہے کہ پاک افغان کشیدگی کے بعد ایک بار پھر طورخم بارڈر بند کر دیا گیا۔