فیلڈ مارشل جنرل عاصم منیر نے چین کے سرکاری دورے کے دوران نے چین کی اعلیٰ سیاسی و عسکری قیادت کیساتھ ملاقاتیں کیں جن میں اسٹریٹجک شراکت داری بڑھانے کے عزم کا اعادہ کیا گیا۔
آئی ایس پی آر کے مطابق فیلڈ مارشل نے عوامی جمہوریہ چین کے نائب صدر ہان ژینگ اور وزیر خارجہ وانگ ای سے ملاقاتاتیں کیں جن میں خطے اور عالمی سطح پر بدلتے ہوئے سیاسی منظرنامے، اقتصادی راہداری کے تحت روابط کے اقدامات، اور مشترکہ جغرافیائی و سیاسی چیلنجز سے نمٹنے کیلیے مربوط حکمت عملی پر تبادلہ خیال کیا گیا۔
ملاقاتوں کے دوران دوطرفہ تعلقات کی گہرائی پر اطمینان کا اظہار کیا گیا اور خودمختار مساوات، کثیرالجہتی تعاون اور طویل المدتی علاقائی استحکام کے لیے مشترکہ عزم کا اعادہ کیا گیا۔
چینی قیادت نے پاکستان کی مسلح افواج کو خطے میں امن کی ضامن اور استقامت کی علامت قرار دیتے ہوئے ان کے کردار کو سراہا۔
آئی ایس پی آر کے مطابق فیلڈ مارشل عاصم منیر نے چین کے سینٹرل ملٹری کمیشن کے وائس چیئرمین جنرل ژانگ یوژیا، پیپلز لبریشن آرمی کے پولیٹیکل کمشنر جنرل چن ہوئی اور چیف آف سٹاف لیفٹیننٹ جنرل کائی زائی جن سے بھی ملاقاتیں کیں۔
آئی ایس پی آر کے مطابق جنرل عاصم منیر کو پی ایل اے ہیڈکوارٹرز آمد پر گارڈ آف آنر پیش کیا گیا، فیلڈ مارشل عاصم منیر نے مستقل حمایت پر چین کا شکریہ ادا کیا۔