خیبر پختونخوا میں سینٹ الیکشن ، ناراض ارکان کا کاغذات نامزدگی واپس نہ لینے کا اعلان

خیبر پختونخوا میں سنیٹ الیکشن کیلئے تحریک انصاف کے ناراض ارکان نے کاغذات نامزدگی واپس نہ لینے کا اعلان کر دیا۔

ناراض امیدواروں عرفان سلیم، وقاص اورکزئی، خرم ذیشان، ارشاد حسین اور عائشہ بانو نے الیکشن سے دستبردار ہونے سے انکار کر دیا۔

ناراض امیدوار خرم ذیشان کا کہنا ہے کہ میدان نہیں چھوڑوں گا، جبکہ عائشہ بانو کا اپنے ویڈیو میں کہنا تھا کہ دباؤ میں آئیں گے نہ سودے بازی کریں گے، بانی کے نظریے پر آج بھی قائم ہیں۔

علاوہ ازیں عرفان سلیم نے ایک انٹرویو میں کہا کہ پی ٹی آئی کے 25 سے 30 ایم پی ایز رابطے میں ہیں، الیکشن میں سرپرائز دیں گے۔