خیبرپختونخوا میں گرمی کی شدید لہر جاری ہے، جس کے پیش نظر سرکاری تعلیمی اداروں کے اوقات کار میں تبدیلی کردی گئی۔
خیبرپختونخوا میں جاری شدید گرمی کی لہر کے باعث محکمہ تعلیم نے اسکولوں کے اوقات کار میں تبدیلی کا اعلان کر دیا ہے۔
محکمہ تعلیم کی جانب سے جاری کردہ اعلامیے کے مطابق تمام سرکاری اور نجی اسکولوں کے لیے نئے اوقات کار کا اطلاق فوری طور پر کیا گیا ہے۔
اعلامیے کے مطابق تمام سرکاری اور نجی اسکول اب صبح 7 بج کر 15 منٹ پر کھلیں گے، پرائمری اسکولوں میں تدریسی اوقات صبح 7 بج کر 15 منٹ سے دوپہر 11 بج کر 40 منٹ تک ہوں گے جبکہ مڈل اور ہائی اسکولوں میں تدریسی اوقات صبح 7 بج کر 15 منٹ سے دوپہر 12 بج کر 15 منٹ تک جاری رہیں گے۔
محکمہ تعلیم کا کہنا ہے کہ یہ فیصلہ شدید گرمی کے پیش نظر بچوں کی صحت اور سہولت کو مدنظر رکھتے ہوئے کیا گیا ہے۔